ஓகை

27 Comments:

At August 15, 2007 12:24 PM,  வவ்வால் said...

ஓகை சார்,

விவசாயம் குறித்து வலைப்பதிவில் பேசுவதையே பெரிய விஷயமாக நீங்கள் பாராட்டுவதை எப்படி எடுத்துகொள்வது என தெரியவில்லை.உண்மையில் அது பாராட்டு தானா? எப்படி ஆயினும் நன்றிகள்!

நீங்கள் சொன்னது போல பலர் விவசாயம் சார்ந்த வேலை செய்வோர் நகரத்திற்கு வேறு வேலை தேடி செல்கிறார்கள் என்பதை மறுப்பதற்கில்லை, ஆனால் அவர்கள் அவ்வாறு வேலை செய்து சொந்த காரில் ஊருக்கு வருவதாக சொல்வது தான் இடிக்கிறது.

நான் ஏதோ கட்டுக்கதையாக சொல்லவில்லை, இப்பொழுதும் நான் நேரடியாக பார்த்து கொண்டு தான் இருக்கிறேன்.

சென்னையில் கே.கே நகர் எம்.ஜி.ஆர் நகர் பகுதிகளில் இப்படி கட்டுமான வேலை , கேபில் போடும் வேலை , சாலைப்பணிகளுக்கு என சொந்த ஊரை விட்டு புலம்பெயர்ந்த தொழிலாலர்களை காணலாம். அவர்கள் சாலை ஓரங்களில் தான் வசிக்கிறார்கள். யாரும் நீங்கள் சொன்ன சுபிக்ஷம் அடையவில்லை.

 

At August 15, 2007 5:52 PM,  Thekkikattan|தெகா said...

ஓகை,

முழுதும் படித்தேன். இதிலிருந்து நான் புரிந்து கொண்டது நலிவடைந்த சொல்லமுத்துக்கள் இன்றைய உலகில் விவசாய வேலைகள் பார்த்து குறைந்த பணம் ஈட்டுவதை விட, நகரங்களுக்கு சென்று அங்கு கிடைக்கும் வேலைகளைப் பார்த்து பணம் அதிகமாக ஈட்டுவதுதான் உசிதம்; அது தான் இன்றைய நடைமுறைக்கு உகந்தது என்பதனைப் போல ஒரு பிம்பத்தை தருகிறது. அப்படியா இது?

ஜே. கே இங்கு வந்தது பெயர் ஒற்றுமையால அல்லது இதன் மூலம் வேறு எதாவது சொல்ல வாறீங்களா, ஓகை :-) ?

 

At August 15, 2007 7:27 PM,  ஓகை said...

//விவசாயம் குறித்து வலைப்பதிவில் பேசுவதையே பெரிய விஷயமாக நீங்கள் பாராட்டுவதை எப்படி எடுத்துகொள்வது என தெரியவில்லை.உண்மையில் அது பாராட்டு தானா? //

பேச வேண்டிய விஷயத்தைப் பற்றி நீங்கள் பேசுவதையே பாராட்டுகிறேன். மனமுவந்த பாராட்டுகள்

//நீங்கள் சொன்னது போல பலர் விவசாயம் சார்ந்த வேலை செய்வோர் நகரத்திற்கு வேறு வேலை தேடி செல்கிறார்கள் என்பதை மறுப்பதற்கில்லை, ஆனால் அவர்கள் அவ்வாறு வேலை செய்து சொந்த காரில் ஊருக்கு வருவதாக சொல்வது தான் இடிக்கிறது.//

கதை நடக்கும் களம் தமிழ்நாட்டின் நெற்களஞ்சியமான தஞ்சை மாவட்டத்தின் மையப் பகுதி. அங்கேயே நான் கதையில் சொன்ன கணக்குகள் படிதான் வாழ்க்கை நடக்கிறது. இவை நான் கண்டும் கேட்டும் உணர்ந்ததுமான விஷயங்களே!

காரில் வரும் அளவுக்கு உயர்வது விவசாயம் தொடர்பானது அல்ல. தன் முனைப்பும் சரியான வழிகாட்டுதலும் உடைய ஒருவன் வாழ்வில் முன்னேறுவதான சாத்தியக்கூறுதான் அது. விவசாயம் சார்ந்து இருக்கும் வரை அதன் சாத்தியக்கூறு இன்றைய நிலையில் கிட்டத்தட்ட இல்லை என்பதும் மேலும் நலிவடைவதற்கே அங்கே சத்தியகூறுகள் அதிகம் என்பதையுமே என் கருத்தாகக் கூறியிருக்கிறேன்..


//அவர்கள் சாலை ஓரங்களில் தான் வசிக்கிறார்கள். யாரும் நீங்கள் சொன்ன சுபிக்ஷம் அடையவில்லை.//

ஆனால் சிலராவது மீண்டும் விவசாயம் சார்ந்த தொழில்கள் பக்கம் திரும்பியிருக்கிறார்கள் என்று கூற முடியுமா?

 

At August 15, 2007 7:35 PM,  ஓகை said...

// இன்றைய உலகில் விவசாய வேலைகள் பார்த்து குறைந்த பணம் ஈட்டுவதை விட, நகரங்களுக்கு சென்று அங்கு கிடைக்கும் வேலைகளைப் பார்த்து பணம் அதிகமாக ஈட்டுவதுதான் உசிதம்; அது தான் இன்றைய நடைமுறைக்கு உகந்தது என்பதனைப் போல ஒரு பிம்பத்தை தருகிறது. அப்படியா இது?//

நான் என் கருத்தாக முன்வைப்பது அதையேதான். கதையில் சொல்லியிருக்கும் கணக்குகள் தவறானவையா? செல்லமுத்துக்கு நான் சொல்லியிருக்கும் தீர்வு சரியில்லையென நீங்கள் கருதினால், உங்கள் தீர்வுதான் என்ன?

//ஜே. கே இங்கு வந்தது பெயர் ஒற்றுமையாலா..//

பெயர் ஒற்றுமை மட்டுமே.

 

At August 15, 2007 7:44 PM,  வவ்வால் said...

ஓகை சார் ,

உங்களின் மனம் திறந்த பாராட்டுகளுக்கு நன்றி! (அதற்குறிய தகுதி என்னிடம் இல்லை என்பது வேறு விஷயம்)

விவசாய வேலைகளை விட்டு பலர் விலகுகிறார்கள் என்பது உண்மையே, நானும் எனது நாற்று நடும் எந்திரம் என்னும் பதிவிலும் இதை கோடிட்டு காட்டியிருக்கிறேன்.

ஆனால் அப்படி மாற்றுபணி தேடி சென்றவர்கள் எல்லாம் கார் வாங்கும் அளவு முன்னேறவில்லை என்பதே எனது எண்ணம் , ஏதோ அவர்கள் வாய்க்கும் வயிற்றுக்கும் சரியாக இருக்கிறது என திருப்ப்தி பட்டுக்கொள்வது தான் நடக்கிறது. அதனாலேயெ யாரும் மீண்டும் விவசாயப்பணிகளுக்கு திரும்பவில்லை என நினைக்கிறேன். ஆனாலும் அவர்கள் மனதில் அப்போது கவுரமாகவாது இருந்தோம் என எண்ணாமல் இருக்க மாட்டார்கள். நான் சொல்வது நகரத்தில் சாலையோரம் வசிக்கிற தொழிலாளர்களை பற்றி!

விவசாயம் லாபகரமாக நடக்க வேண்டும் அதுவே எனது ஆசை. அப்படி நடந்தால் ஏன் இவர்கள் இடம் பெயர போகிறார்கள்.

 

At August 15, 2007 8:05 PM,  Thamizhan said...

விவசாயத்தையே நம்பி வாழும் பெரு்ங்கூட்டம் ,ஒரு ஏக்கர் வைத்துக் கொண்டு பெருமையிலே அவதிப் படும் மிராசுதாரர்கள்,சொத்து பங்கு பிரிவினை என்ற பரம்பரை எதிரிகளாகும் உறவினர்
இதையெல்லாம் நேரே கிராமத்தில் பார்த்து வாழ்ந்தவர்களுக்கு மிகவும் நன்றாகப் புரியும்.

நாட்டிற்குத் தேவையான தொழில் கற்று எலெக்ட்ரீசியன்,தண்ணீர் பம்ப்செட் போன்று பல விதமானத் தேவைகளைப் பூர்த்தி செய்வோர் காரில் வராவிட்டாலும் இரண்டு சக்கர மன்னர்களாக வாழ்வதைப் பார்க்கலாம்.

 

At August 16, 2007 9:09 AM,  Thekkikattan|தெகா said...

ஓகை,

நீங்கள் சொல்லும் அந்த சுலப சிகிச்சை எல்லா நகரங்களும் ஒரு கல்கத்தா போன்றதனை ஒற்றியே அமையக் கூடிய நிலைக்கே இட்டுச் செல்லும்.

விவசாயம் நலிவடைந்திருக்கிறது என்பதற்காக அதற்கான நவீன அணுகுமுறையையும், பாசன மேம்பாட்டையும் அடைவதனை உதறித் தள்ளிவிட்டு நீங்கள் அவர்களை நகரங்களுக்கு செல்லச் சொல்வது எப்படி ஒரு விவசாய நாட்டிற்கு உகந்ததாக அமைய முடியும்?

அதே ஜே.கே, அருமையாக தனது பாணியில் ஒரு சூழ்நிலையை விளக்கியிருப்பார். நகரத்தில் வேலை பார்க்கும் ஒருவர் எப்படி தான் எழுந்ததிலிருந்து, தன் வாகனத்தை எடுத்துக் கொண்டு, அன்றைய அலுவலக வேலையை முடிக்கும் வரையிலும் எது போன்ற மன உளைச்சலுக்கும், ஆற்றல் வீணடிப்பிற்கூடேயே தனது வாழ்வை அமைத்துக் கொள்கிறார் என்பதிலிருந்து தொடங்கி, அதுவே ஒரு கிராமப் புரத்தில் வசிக்கும் ஒரு விவசாயி காலையில் எழுந்து கலப்பையையும், ஏர் மாடுகளையும் பிடித்துக் கொண்டு தனது காலைப் பகுதி வேலையை முடித்து விட்டு, தனது மனைவி கொண்டு வரும் மதியக் கஞ்சிக்கு காத்திருக்கும் இரு வேறு உலகங்களை நமக்கு விளக்கிக் காண்பிப்பார். இதில் யார் நிறைவாக வாழ்ந்தவர்களாக இறுதியாக ஆழ் நிலை மனவோட்டத்தில் விளக்கப் பட்டிறுக்கும் அந்த கட்டுரையில்.

இங்கு வவ்வல் கூறியதைப் போன்று அவ்வாறு வலசை போகும் அத்துனை பேர்களும் கார், பங்களா என்று தனது வாழ்வை அமைத்துக் கொள்ள முடிவதில்லை. அதற்கு மாறாக தனது சுயகொளரவத்தையும் இழந்து, அந்த கால சுழற்சியில் அகப்பட்டு ஒரு உலோகத்தைப் போல மக்கிதான் மடிகிறார்கள். அதுவே உண்மை. குறைந்தப் பட்சம் இந்த நிலத்துடன் போராடும் பொழுதாவது அவைகளை அவர்கள் இழப்பது கிடையாது என்றே நினைக்கிறேன்.

 

At August 16, 2007 11:34 AM,  ஓகை said...

//ஆனால் அப்படி மாற்றுபணி தேடி சென்றவர்கள் எல்லாம் கார் வாங்கும் அளவு முன்னேறவில்லை என்பதே எனது எண்ணம் , //

வவ்வால் ஐயா,

விவசாயத்தை விட்டுவிட்டு வெளியே வந்தபிறகு பெறுகின்ற மேன்மைக்கும் தாழ்மைக்கும் விவசாயத்திற்கும் தொடர்பில்லை. செல்லமுத்து கார் வாங்கியதும் அப்படித்தான். நான் சொல்லியிருக்கும் கணக்குகள் சரிதானா என்பது பற்றி ஒன்றுமே நீங்கள் சொல்லவில்லையே!

 

At August 16, 2007 11:38 AM,  ஓகை said...

//நாட்டிற்குத் தேவையான தொழில் கற்று எலெக்ட்ரீசியன்,தண்ணீர் பம்ப்செட் போன்று பல விதமானத் தேவைகளைப் பூர்த்தி செய்வோர் காரில் வராவிட்டாலும் இரண்டு சக்கர மன்னர்களாக வாழ்வதைப் பார்க்கலாம்//

தமிழன், நீங்கள் சொல்வது முக்காலும் உண்மை. வேறு தொழில் ஏதும் தெரியாது என்பதே பலர் விவசாயத்தில் நீடிப்பதற்குக் காரணம். இரண்டு சக்கர வாகனம் வசதி என்பதைவிட தேவை என்கிற நிலை வந்துவிட்டது. வருகைக்கு நன்றி.

 

At August 16, 2007 11:46 AM,  ஓகை said...

தெக்கா,

சுலப சிகிச்சை என்கிற உங்கள் எள்ளலை நான் ரசிக்கிறேன். 'கல்கத்தா போன்றதனை ஒற்றியே......' என்பது எனக்குப் புரியவில்லை. என் கதையில் நான் நகரமயமாக்கலை ஆதரிக்க வில்லை. பத்து பேருக்கு ஏழுபேர் சோறு செய்ய வேண்டுமா என்பது என் அடிப்படைக் கேள்வி. இதற்கு விடை உங்களிடம் இருக்கிறதா?

 

At August 16, 2007 4:55 PM,  Unknown said...

ஓகை

கதையின் கருத்து மிகவும் அருமையாக உள்ளது.அதில் நீங்கள் எழுப்பிய கேள்விகளை நான் வழிமொழிகிறேன்.

விவசாயத்தில் 70 கோடி பேர் ஈடுபடுவது அவர்களுக்கு எந்த விதத்திலும் நன்மையை சேர்க்காது.அதே சமயம் உடனடியாக அவர்கள் வேறு தொழிலுக்கும் போக முடியாது.இளவது விவசாயிகள் (20- 30) கல்லூரி கல்வியை பார்டைமாகவாவது தொடர்வது, மார்ஜினல் விவசாயிகளின் குழந்தைகளை நன்கு படிக்க வைத்து வேறு துறைகளில் ஈடுபடுத்துவது ஆகியவை மூலம் இன்னும் 20 ஆண்டுகளில் இந்த எண்ணிக்கையை குறைக்கலாம்.

(முடிந்தால் பாப் அப் பின்னூட்ட பெட்டியை மாற்றுங்கள்.விவாதம் நீண்டால் லோடு ஆக அதிக நேரம் பிடிக்கும்)

 

At August 16, 2007 8:51 PM,  வவ்வால் said...

ஓகை சார்,

உங்கள் கணக்குகள் தமிழ்பட கதாநாயகனுக்கு நன்றாகப்பொருந்தும் ஒரு மாடு வாஙி பால் கரந்து விற்பார், ஒரு பாடல் ஒலிக்கும் அப்புறம் பார்த்தால் 5 நட்சத்திர விடுதியை வாஙுவார்!

உங்கள் கணக்கு மெய்யாக வேண்டும் அதுவே ஆசை! பகற்கனவாகிடும் மனக்கணக்குகளை தர்க்க ரீதியாக ஏற்கவியலாதே!

ஆயிரத்தில் ஒருவர் கூட நீங்கள் சொன்ன உன்னத நிலை அடைவது சாத்தியமா!
----------------------------

செல்வன்,

நீங்கள் சொன்னது போல அதி்கப்படியான தொழிலாளர் சக்தி வேண்டுமானால் மாற்று துறையில் ஈடுபட வைக்கலாம். ஆனால் அப்படி ஒரு மாற்றுவழியே கானப்படாமல் அவர்களை விவசாயம் விட்டு துறத்த வேண்டும் என நினைக்கலாமா? நகரத்திற்கு போ அங்கே கல் உடை , சாலைப்போடு, கட்டுமான வேலைப்பார், கேபிள் போட பள்ளம் வெட்டு அப்போது தான் நகரத்தில் நாங்கள் சுகமாக இருக்கலாம் என்பது சரியா?

மாற்று தொழில்கள் காணப்பட வேண்டும் அல்லது இருக்கும் தொழில் விவசாயம் மேம்பட வேண்டும். இரண்டும் இல்லாமல் தினக்கூலி ஆக வழி சொல்வது மேம்படுத்துவது அல்ல.

ஒரு தொழிலில் இரண்டு வகையன வளர்ச்சிகள் ஏற்படும் , வெர்டிகல் இன்டெகரேஷன் , ஹரிசான்டல் இன்டெகெரேஷன்.விவசாயத்திலும் இந்த இரண்டும் நடைபெறவேண்டும். நம் நாட்டில் விவசாயிகள் விவசாயம் மட்டுமே தான் பெரும்பாலும் செய்கிறார்கள். விவசாயம் சார்ந்த தொழில்களை, அறுவடைக்கு பிந்தைய மதிப்பு கூட்டும் வேலைகளை செய்வதில்லை. அவற்றிலும் அவர்கள் ஈடுபட்டால் வாழ்வில் மேம்படுவார்கள் , அதற்கு அரசு உதவ வேண்டும்.

 

At August 17, 2007 8:15 AM,  ஓகை said...

//முடிந்தால் பாப் அப் பின்னூட்ட பெட்டியை மாற்றுங்கள்.//

செல்வன்,
கருத்துகளுக்கு நன்றி.

பாப்பப் பெட்டியை மாற்றிவிட்டேன். நன்றி.

 

At August 17, 2007 8:23 AM,  ஓகை said...

// உங்கள் கணக்குகள் தமிழ்பட கதாநாயகனுக்கு நன்றாகப்பொருந்தும்//

வவ்வால் ஐயா, விவசாயத்தை விட்டு வெளியே வந்தவர்கள் முன்னேற முடியாது என்ற கருத்தை மீண்டும் மீண்டும் வலியுறுத்துகிறீர்கள். விவசாயத்தை விட்டு வெளியே வந்தபிறகு அவர்கள் அடையும் மேன்மையும் தாழ்வும் விவசாயம் தொடர்புடையது அல்ல என்று நான் மீண்டும் மீண்டும் கூறினாலும் நான் கூறுவதில் என்ன தவறு என்று நீங்கள் கூறவில்லை.

ஒன்னரை ஏக்கரில் வருடத்துக்கு எவ்வளவு சம்பாதிக்க முடியும் என்கிற கணக்கைப் பற்றி உங்கள் கணக்கைச் சொல்லுங்கள்

பத்து பேருக்கு ஏழு பேர் சோறு செய்ய வேண்டும் என்கிற கணக்கு சரியா என்று சொல்லுங்கள்.

 

At August 17, 2007 8:33 AM,  ஓகை said...

செல்வன் has left a new comment on your post "கிருஷ்ணமூர்த்திக்கு ஜே!":

ஓகை ஐயா

பாப்-அப் பெட்டியை மாற்றியதற்கு நன்றி

வவ்வால்,

ஓகை தெரிவித்த கருத்துக்களில் எந்த தவறும் இல்லை.அரை ஏக்கர், ஒரு ஏக்கர் என்று வைத்திருந்து நஷ்டப்பட்டு குடும்பத்தோடு தற்கொலை செய்துகொள்வதை விட, நிலத்தை விற்றுவிட்டு நகருக்கு சென்று வேலை பார்ப்பதில் எந்த தவறும் இருப்பதாக தெரியவில்லை. வேலை செய்ய வேண்டும் என்பது கூட இல்லை. நிலத்தை விற்ற காசில் மளிகை கடை, சிறு ஓட்டல் என வியாபாரம் கூட செய்யலாம். விவசாயம் சார்ந்த பழக்கடை, காய்கறிக்கடை என்றும் செய்யலாம்.

சில கூலி வேலைகளில் ஓரளவு நல்ல வருமானம் கிடைக்கும். மாட்டு வண்டியில் லோடு ஏற்றுவது, மூட்டை தூக்குவது போன்றவை.வயல்களில் கூலி வேலை பார்ப்போர் நகருக்கு வந்தால் இந்த வேலைகளில் தான் முதலில் ஈடுபடுவர்.

எல்லோரும் கண்டிப்பாக இப்படி செய்ய வேண்டும் என்பதில்லை.இப்படியும் ஒரு வாய்ப்பு இருக்கிறது என்பதையே ஓகை கூறியுள்ளார்.

வெர்டிகல் இன்டெக்ரேஷன்,ஹரிசாண்டல் இன்டெக்ரேஷன் ஆகியவற்ரை விவசாயிகள் தமது சக்திக்கு உட்பட்டு செய்துகொண்டுதான் உள்ளனர்.உழவர் சந்தை, சண்டே மார்க்கட் என்று விவசாயிகள் தமது பொருட்களை விற்கும் விற்பனையாளராக மாறுவதும் நடக்கத்தான் செய்கிறது.ஆனால் நீங்கள் சொல்வது போல் இவை அதிக அளவில் நடைபெறுவதில்லை.அப்படி நடைபெற்றால் விவசாயம் ஓரளவு லாபம் கிடைக்கும் வாய்ப்புள்ளதாக மாறும்.

 

At August 17, 2007 8:51 AM,  வவ்வால் said...

ஓகை சார்,

//விவசாயத்தை விட்டு வெளியே வந்தபிறகு அவர்கள் அடையும் மேன்மையும் தாழ்வும் விவசாயம் தொடர்புடையது அல்ல என்று நான் மீண்டும் மீண்டும் கூறினாலும் நான் கூறுவதில் என்ன தவறு என்று நீங்கள் கூறவில்லை.//

அது எப்படி நீங்களாகவே முன்கூட்டிய தனி நபர் தீர்மானம் போட்டுக்கொள்கிரீர்கள் , விவசாயம் விட்டு வெளிவந்த பின் ஏற்படும் ஏற்ற தாழ்வுக்கு அது காரணம் இல்லை என்பது புரியவில்லை. மேம்பாடு அடைந்தால் பரவாயில்லை, நிலமை மோசம் அடைந்தால் என்ன நினைப்பான் ஒருவன் ச்சே அத விட்டு வந்து இருக்க கூடாது இப்போ உள்ளதும் போச்சுனு வருத்தப்படுவானா மாட்டானா, அப்படி எனில் இங்கே அது நேரடியாக செயல்பட வில்லை எனினும் விலகுதல் என்ற தீர்மானம் அதன் சார்புடையது தானே!

//ஒன்னரை ஏக்கரில் வருடத்துக்கு எவ்வளவு சம்பாதிக்க முடியும் என்கிற கணக்கைப் பற்றி உங்கள் கணக்கைச் சொல்லுங்கள்

பத்து பேருக்கு ஏழு பேர் சோறு செய்ய வேண்டும் என்கிற கணக்கு சரியா என்று சொல்லுங்கள்.//

இந்த இரண்டுக்கும் மிக தெளிவாக விளக்கம் சொல்லியுள்ளேன். உற்பத்தி அதன் மீதான மதிப்பு கூட்டுதல் என செயல்பட வேண்டும் என்று! அதே போல அதிக்கபடியான விவசாய தொழிலாளர்கலுக்கு ஒரு மாற்று ஏற்பாடு காட்ட வேண்டும் , கல் உடைப்பது சாலை போடும் வேலை இருக்கு என்பது மாற்று ஏற்பாடு அல்ல என்றும் சொல்லியுள்ளேன்.

சரி நீங்களே சொல்லுங்கள் உங்கள் கூற்றுபடி விவசாய தொழிலை விட்டு நகரத்தில் ஏதோ வேலைக்கு வருபவனுக்கு ஆண்டு முழுவதும் வேலை கிடைக்க உத்திரவாதம் இருக்கிறதா? ஒருவன் தின கூலி வேலை மட்டும் செய்தால் ஒராண்டில் எவ்வளவு பொருள் ஈட்ட முடியும்!

நகரம் vs கிராமம் வாழ்கை குறித்து இங்கே மேலும் எனது பார்வைகளை சொல்ல வேண்டும் பெரிதாக போகுமே என பார்க்கிறேன் அல்லது தனியே பதிவிடுகிறேன்!

 

At August 17, 2007 8:59 AM,  வவ்வால் said...

செல்வன்,

//ஓகை தெரிவித்த கருத்துக்களில் எந்த தவறும் இல்லை.அரை ஏக்கர், ஒரு ஏக்கர் என்று வைத்திருந்து நஷ்டப்பட்டு குடும்பத்தோடு தற்கொலை செய்துகொள்வதை விட, நிலத்தை விற்றுவிட்டு நகருக்கு சென்று வேலை பார்ப்பதில் எந்த தவறும் இருப்பதாக தெரியவில்லை//

தவறு என்று சொல்லவில்லை சரியான தீர்வன்று எனத்தான் சொல்கிறேன். நகரத்தில் ஆண்டு முழுவதும் வேறு வேலைக்கு உத்திரவாதம் இருக்கிறதா எனப்பார்க்க வேண்டும். உண்மையில் அப்படி வேலைக்கு வருவோர் பாடு ... மிக பரிதாபம். ஒரே ஒரு உதாரணம் எப்படி அவர்கள் வேலை குறித்தான பயத்தில் நகரத்தில் இருக்கிறார்கள் என்பதை சொல்லும்.

இன்னைக்கு மழை வராம இருக்கனும் அப்போ தான் வேலை நடக்கும் , கைல காசு வரும் என்று பேசும் கட்டிட தொழிலாளி, சாலைப்பணியாளர்களைப்பார்த்துள்ளேன். கிரமாத்தில் மழை வந்த ஏர் ஓட்டலாம் என மழையை ஒரு காலத்தில் எதிர்பார்த்த விவசாயி ஆக கூட அவன் இருக்க கூடும்!

விவசாயத்தை விட ஒரு நிச்சமற்றத்தன்மை கொண்டது நகர தினக்கூலிகளின் வாழ்கை!

உங்களுக்கே தெரிகிறது சில பல மாற்றங்கள் செய்தால் விவசாயம் லாபம் தரும் என, ஒன்றில் இருக்கும் பிரச்சினையை தீர்க்காமல் அதை விட்டு தப்பித்து போகிறேன் என புதிய பிரச்சினையை வாங்கலாமா?

 

At August 19, 2007 11:12 PM,  வவ்வால் said...

ஓகை அவர்களுக்கு,

நீங்கள் தொட்டுகாட்டியது ஒரு முக்கியமான , வளர்ந்து வரும் பிரச்சினை அதற்கு விளக்கம் அளிப்பது அத்தனை சுலபம் அல்ல மேலும் பின்னூட்டத்தில் ஓரளவு தான் சொல்ல முடிகிறது எனவே தனியாக ஒரு பதிவு இட்டுள்ளேன்.சிரமம் பார்க்காமல் ஒரு முறை படிக்கவும். நன்றி!


உள்ளது உள்ளபடி- ஓகை அவர்களின் பார்வைக்கு!

 

At August 26, 2007 8:13 AM,  ஓகை said...

வவ்வால் ஐயா,

மன்னிக்க வேண்டும். மிகுந்த வேலை பளு காரணமாக பதிவுகள் பக்கம் வர முடியவில்ல. உங்கள் பதிவைப் படித்துவிட்டேன். அங்கே பதில் போடுகிறேன். நீங்கள் இதில் காட்டும் ஆர்வத்துக்கும் அக்கறைக்கும் நன்றி.

உங்களை மிகவும் தொல்லை படுத்திய செல்லமுத்து கார் அவாங்கிய விஷயத்தை மாற்றிருக்கிறேன். அதாவது வாடகைக் கார் வாங்கியதாக மாற்றியிருக்கிறேன். இப்படி முன்னுக்கு வந்த சிலரை எனக்குத் தெரியும்.

 

At August 26, 2007 9:24 AM,  சாலிசம்பர் said...

//தன் சொந்த வாடகைக் காரில் போனான். //

ஓகையண்ணே,நீங்களுமா?:))

 

At August 26, 2007 10:50 AM,  ஓகை said...

//ஓகையண்ணே,நீங்களுமா?:)) //

வாங்க மகிழெம்பரே,

ஆனா என்ன சொல்ல வர்ரீங்கன்னு புரியலையே?

 

At August 26, 2007 12:19 PM,  வவ்வால் said...

ஓகை சார்,

நன்றி!

இதில் நான் ஆர்வம் காட்டுவது இயல்பான ஒன்று, அடிப்படையாக விவசாய குடும்பம் தானே நானும்.

மேலும் யதார்த்தம் மீறி இருப்பதால் தான் சித்தாள் வேலைப்பார்த்து கார் வாங்கியதை சுட்டிக்காட்டினேன்!
மற்றபடி அது என்னை தொல்லைப்படுத்தவில்லை!

வெறும் நேரடி விவசாயம் என்பது கடினம் , அதிக வருவாய் தர கொஞ்சம் வித்தியாசமாக செயல் பட வேண்டும் என்பதை தான் நான் சொல்லி வருகிறேன்.

ஒரு நெசவு ஆலை எப்படி வெறும் வேட்டி சட்டைக்கு வெள்ளை துணி மட்டும் நெய்தால் வியாபாரம் ஆகாது என பல வகை , பல வண்ணத்துணி நெய்ய ஆரம்ப்பித்தார்களோ அப்படி தான் விவசாயமும் மாற வேண்டும் அதைத்தான் நான் சுட்டிக்காட்டியுள்ளேன்!

எவ்வகை தொழிலானாலும் ஒரு மாறுபட்ட அனுகு முறை தேவை என்பது தான் நான் சொல்ல வருவது!

 

At August 27, 2007 1:06 AM,  சாலிசம்பர் said...

//வாங்க மகிழெம்பரே,

ஆனா என்ன சொல்ல வர்ரீங்கன்னு புரியலையே?//

ஓகை அவர்களே,டோண்டு அய்யாவைக் கலாய்க்கும் இயக்கத்தில் நீங்களும் இணைந்து விட்டீர்களோ என்று நினைத்து விட்டேன்.

 

At August 30, 2007 10:58 AM,  ஜயராமன் said...

அய்யா,

மிகவும் சுவாரசியமாகவும், அழகாகவும் இருக்கிறது. ஆர்வமாய் படித்தேன். எனக்கென்னவோ ஒரு வாரம் கழித்து ஊருக்கு போகும்போது அவன் அம்மாவுக்கு ஏதோ ஆகியிருக்கும் என்று பயந்துகொண்டே படித்தேன். ஆனால், சுபமாகத்தான் இருக்கிறது. ரொம்பவும் சுபமாக, உழைப்பே வெற்றி போல அதிகமாக உபதேசம் போல பட்டதால் கொஞ்சம் அம்புலிமாமா வாசனை அடிக்கிறது.

நன்றி

 

At September 01, 2007 7:34 AM,  cherankrish said...

மொத்தத்தில் நன்றாக இருந்தது :)

 

At September 01, 2007 9:05 AM,  சாலிசம்பர் said...

//மகிழெம்பர்//

jolly jumper க்கு அருமையானதொரு தமிழாக்கம்.மிக்க நன்றி அண்ணா.

 

At September 11, 2007 11:32 AM,  பாரதி தம்பி said...

மிகச்சிறந்த பதிவு. வருமானம், லாபம் என்ற அடிப்படையில், எங்கு லாபம் வருகிறதோ அங்கு போ என்று உபதேசிக்கிறது கதை. இதே கதையில் வருமானம் குறைவாக இருக்கும்போது கட்டுக்குள் இருக்கும் செல்லமுத்துவின் செலவுகள், வருமானம் பெருகியபின் சரசரவென உயர்வதை நீங்களே சுட்டிக்காட்டியிருக்கிறீர்கள். அதுதான் நகரம்.. கொடுப்பதுபோல் கொடுத்துப் பிடுங்கிக்கொள்ளும் நுகர்வு பிசாசு.

ஒன்று சரியில்லை என்று விட்டுவிலகி ஓடும்போது அதைவிட நல்லது நோக்கி ஓடினால் சரிதான். ஆனால், விவசாயக் கூலிகளின் இடப்பெயர்வு, அவர்களை நகரங்களில் தினக்கூலிகளென்ற நிலையிலிருந்து உயர்த்தவில்லை.(செல்லமுத்துகள் விதிவிலக்கானவர்கள். இப்படியான எண்ண ஓட்டம் கொண்டவர்கள், விவசாயக் கூலியாக இருந்தாலும், நகரத்தில் தினக்கூலியாக இருந்தாலும் நிச்சயம் முன்னேறித்தானிருப்பார்கள். அது தன் முனைப்பு).

ஆனாலும் நீங்கள் முன் வைக்கும் தீர்வு சரியானதாக தோன்றவில்லை. எல்லா இடங்களிலும்/எல்லா தொழில்களிலும் அததற்கே உரிய பிரச்னைகள் இருக்கின்றன. அவற்றை சரி செய்வதை விடுத்து விலகுவது சரியல்ல.

 

Post a Comment

<< Home

About Me

Name: ஓகை

Location: சென்னை, தமிழ்நாடு, India

View my complete profile